காத்திருக்கும் இதயம்....

கனவுகள் பூத்த இரவுகள் எல்லாம் - உன்

நினைவுகளால் வேகுகின்றன

இதயம் துடிக்கும் ஓசைகள் எல்லாம் - எனக்கு மட்டும்

ஒப்பாரிச்சத்தங்களாகின்றன - உன்

நினைவு பூத்த வெம்மை நிலப்பரப்பாய்

என் உள்ளம் தகிக்கிறது

அசைவற்ற வெறு வெளியில்

நினைவற்ற ஜடம்போல - என்

மனவறையின் சுவர்களில்

வெறுமைகளே நிறைந்து கிடக்கின்றன

உன் நினைவு சுமந்த

என் இதயம்

கனத்துப்போன இரும்பாக

மரத்துப்போய்க்கிடக்கின்றது

என் பாலைவனத்தின் வெண்மணலில்

நீர் வார்க்கும் ஊற்றாக

நீ வரும் நாள்பார்த்து - உன்

நினைவுகள் சுமந்து - ஒற்றைக்கால்

தவமியற்றும் பற்றற்ற கொக்காக

உனக்காக

உனக்கேயாக - இன்னும்

உயிர் சுமக்கிறேன் - இந்த

உணர்வற்ற உடலில்....